Mission
- Verification, Survey and demarcation of land parcels;
- Allotment of land for agricultural an non-agricultural purposes;
- Settlement of land and land revenue;
- Preparation of Record-of-Rights and Land Records;
- Maintenance of Land records;
- Assessment and collection of Land Revenue/ Taxes/ Fees/ Charges etc.;
- Transfer and alienation of land;
- Survey, classification, valuation & fixation of rate land for revenue purposes;
- Matters relating to Inter-State boundary;
- Declaration of notified areas or towns for the purpose revenue administration;
- Requisition and acquisition of lands for public purposes;
- Prevention of encroachment of public roads and public lands;
- Mortgage of land for obtaining loans from Financial Institutions;
- To render services to various Government Departments, Company, Corporation, Society, Banks, Churches, NGO’s and individuals relating to land matters as well as Survey and Drawings to meet their requirements;
- To take up any assignment referred to the Department by Government of India or State Government from time to time;
Vision
- To fulfill the responsibility as custodian of all lands in Mizoram;
- To allot Government lands for residential and agricultural etc., purpose to the citizens of Mizoram;
- To confer ownership rights to land holders;
- To protect the rights of citizens on or in the land as well as Government lands;
- To survey & settle all land holdings and prepare accurate land records;
- To provide better services to the citizens by application of Computer to the Land records and Land Administration;
- To generate reliable Land Information System of Mizoram;
- To make Land Revenue & Settlement Department to be major revenue earning agency of the State;
- Protection of tribals from alienation of lands;
- To allot and settle lands for rural poor/ urban poor to meet their minimum land requirements;
- To implement the Land Reforms Programme of the State of Mizoram.
INHMUN DILTE HRIATTUR:
MITIN TAN:
1. Pass/ LSC nei lova ram enkawl/ kutthlak hi dan kalh a ni.
2. Town-a puan loh VC ten an khawchhungah Non-Agricultural Land (Inhmun etc.,) an pe thei a. A bak chu Sawrkar pek vek tur a ni a. Risk-a enkawl leh authority ni lote phalnaa ram neih chu a buai duh a, chân a hlauhawm.
RAMRUAK DILTE TAN:
1. Ramruak nia hriat diltute chuan Dilna form Rs. 20/- in counter atanga leiin kim taka fill-up tur, a nei chuan Phone No. dah tur.
2. Diltu chenna veng V.C ten comment an pekna tur application form phek hnihna tawpah a awm a. Diltu veng VCP chuan seal nena hming sign leh hmingpum ziakin diltu chu inhmun mamawh an nih leh nih loh te, an dillai pek an phuna chhan an ziak tur a ni.
3. Ram dillai hmun chu a ruah leh ruah loh leh vantlang tan a hnawk leh hnawk loh chungchang chu a dil hmun changtu V.C. ten teh a nih hnuah NOC form-ah an sign tur a ni.
4. Dilna form fill-up kim leh an VC te comment tawh chu a ram awmna District Revenue Office-ah thehluh tur a ni.
5. Form-a address pek hmangin teh hun leh tehtu tur leh tih tur tulte hriattir an ni ang.
6. Dillai hmun kawhhmuh turin a tehtu Surveyor nen office-ah inhmuh a, kalho tur a ni.
7. Ram dil hmun chu tehkual theih turin ramri kalna tur tifaiin a thenawm ram neitu chu NOC sign tura lo awm ve turin hriattir tur a ni. NOC hi Surveyor hmuh laia sign a ngai a ni.
8. Bawhzui a awlsam zawk nan ram diltu hming, tehtu Surveyor hming leh teh ni hriatsa tur a ni.
9. Surveyor report chu check a nih hnuah ASO kaltlangin, Directorate-ah kal lehin Government decision tura
thawn a ni ang a, a kawng ngai zawh letin District office-ah thutlukna ngaihven tur a ni ang.
10. Cadastral Survey hnuaia teh leh House site plan a nih loh chuan Team of Officer-in an check nawn a ngai a. Hriattirna pek lawk an ni ang.
11. House site pass neih tawh chu In sa thuai tura beisei an ni a, chhiah pawh pek a ngai tawh ang. Mahse hralh, then, midang pek theihna an la nei lo tih hraittur a ni.
12. House pass number tarin enkawl nghal tur a ni a, pek thuah palh a nih loh nan hunga In sak thuai tur a ni.
13. Pass/LSC issue hma chuan ram teh avang hian a diltu hian neitu nihna engmah a la nei lo.
LSC (PATTA) DILTE TAN:
1. Patta dilna form chu counter-ah Rs. 20/- a leiin, pass xerox copy nen fill-up kim a nih hnuah a bialtu District Revenue Office-ah thehluh tur a ni.
2. Tehtu tur Surveyor, teh hun leh tih tur tul hriattirna order siam thuai a ni ang.
3. Ram teh niah Surveyor nen inhmuh hmasaka kalho tur a ni.
4. Surveyor hming, tehni leh tu hminga dil nge tih hrechiang sain ngaihven zui a tha.
5. LSC atan tehna report chu check fel hnuah ASO kal tlangin Director approve a ni thin. LSC turah In ding lo a nih a, Team of Officer la en loh, House site plan leh Cadastral hnuaia teh a nih loh chuan Team of Officer-in a enfiah a ngai thin.
6. LSC khul tur chuan a neitu ngei kalin intiamna signature pek a ngai.
7. LSC neitu chuan hralh, pek, then theihna right a nei a, Sawrkar-in a mamawh hunah pawh dan hmanga leisak a ngai tawh ang.
RAM THEN, EXTEND, RAMRI TIHDANGLAM DILTE TAN:
1. LSC original nei dahkham loh, chhiah pe kimte tan dilna form Rs. 20/- a leiin fill-up kim tur a ni. LSC original attested xerox copy telin a ram enkawltu District Revenue Office-ah theh luh tur a ni.
2. Ramri lungphun tur te, thenawm NOC sign tur te, ramri tifaiin lo inhmakhua a ngai.
3. Ram tehtu tur nen in kalho theih nan office-ah ngeihven ang che.
4. LSC area aia Sq.ft 150-a a zauh belh chuan Govt. approval lak a ngai a, a zauh belh loh chuan ASO kaltlangin Director approval lak hnuah a kawng ngai zawh letin District Revenue Office atangin khulchhuah tur a ni.
HMINGTHLAK DILTE TAN (MUTATION):
1. LSC original nei leh chhiah pe kimte'n hmingthlak dilna form Rs. 20/- man bakah inleina emaw inpekna form Rs. 10/- a lei tur a ni.
2. Hmingthlakna form-ah leh inleina emaw inpekna form-ah VCP sign leh witness sign a ngai.
3. Sign turten an sign hnuah LSC/ Patta neitu ngei, a ID or EPIC nen a concerned ASO hmaa inlan tur a ni. Mutation fee hi inrochun a nih loh chuan Land Valuation 0.5 % chawi a ngai a ni.
4. Hmingthlak tur hi engemaw avanga teh that a ngai a nih loh chuan ni hnihkhatah a tihfel mai theih a ni.
5. LSC neitu hi a boral tawh a nih chuan Heirship Certificate thil tel a ngai a ni. Heirship Certificate neitu chuan ama hmingin a dil naah a sign thei ang. LSC holder sign-na tur hi chu dah blank mai tur a ni.
RAM THEH (HOUSE SITE PLAN) DILTE TAN:
1. House site plan (Ram theh) chu ram ruak teh felsa a nih avangin dil theih hun chhung ngeiah dilna form Rs. 20/- man fill-up a, submit tur a ni. Sawrkar notice ngaihven thin tur a ni.
2. Teh felsa a nih avangin dilna chu a hlawma process a ni ang a, Govt.-in a allott-te chu hriattirna chhuahin an hmuh ram plot inkawhhmuh hun ruatah chhinchhiahna, lungphun tur nen ngaihven a ngai.
3. Ram theh atanga pass neih pawh LSC thuai a, LSC process pangngai anga uluk taka teh a, process a ngai thin.
4. Ram theh dil hian duh lai bik thlan a remchang lova, pek ang ang chu lawm taka pawm a ngai a, ngaihsak loh deuh pawhin a buai lo deuh bik naa siksawi rem erawh a ngai fo.
RAMBUAI:
1. Midangte nen ram inthuah emaw ramri hriatdan inan loh vanga harsatna nei chuan a bialtu District Revenue Office-ah plain paper-a ziakin thlen thin tur a ni.
2. Ramri hre lo naran tehsak, enfiahsak hi Revenue Deptt. tih tur a ni kher lova; a neitu chuan a hre ngei tura ngaih a ni a. A petu, a hralhtu hnenah a zawtfiah zawk tur a ni.
3. District Revenue Office-in a enfiah leh a thurema lungawi lote chauh Director-ah thlen thin tur a ni. Director emaw Sawrkar thu tluknaa la lungawi lo fo chu Law court-ah a thlen theih zel a ni.
4. Rambuai nei thei tak miten an hmuh dan hi sawichhuak duh lo thin mah se ngaihdan riau an neih ruk tlat avangin pumpelh tumin zahngaihte, dawhtheih te leh thenawmte chunga thatchhuah hi buaina pumpelh dan tha ber a ni.
CADASTRAL SURVEY & LAND RECORDS:
A huhova Inhmun emaw huan/ WRC etc. teh runpui, a khaw dap chhuaka ram teh beihpui hi Cadastral tih bik a ni a. Miin an duh emaw duh lo emaw Land Record siam nan a tul avangin tu ram pawh teh theihna power neiin, dan (Act & Rule) leh Central Sawrkar phut anga teh tur a nih avangin Sawrkar thupuan ngaih pawimawh a ngai a. He Land Record-a telh loh te chuan LSC hlui kawl reng mahse a thi daih thei a; Cadastral Survey hi dil lo leh duh lo, phal lote ta pawh teh tur a nih avangin ngaihven a ngai hle.
Cadastral Survey hun chhung notice chhuah a ni thin a. A hun leh huam chhungah chuan Dist. Revenue Office kher ngai lovin Survey party emaw a VC concerned hnenah ngaihven theih a ni ang. Pass leh LSC nei tawh pawh issue thar vek tur a nih avangin notice ngaihpawimawh a ngai hle.
LSC BO RE-ISSUE DILTE TAN:
1. LSC original tibo re-issue duhte chuan dilna form Rs. 20/- in counter-ah lei tur a ni.
2. Re-issue dilnaah hian- (i) Chanchinbua chhuah dan tur ziaksa a awm a, mahni sensova chhuah tur a ni a; chhuah atanga ni 30 hnuah a chhuahna chanchinbu nen ASO-ah submit tur a ni. (ii) Undertaking Bond, Magistrate sign hnan submit tur form a awm sa bawk a. (iii) F.I.R Register certificate form, Police station emaw Outpost incharge atanga lak tur a ni bawk. (iv)Clearance certificate hi LAD, D.C. Loan Branch, Industries Deptt., KVI leh ZIDCO atanga lakna tur form a tel bawk.
3. LSC tichhia emaw tikang emaw chuan a chhe/ themah original ngei a ni tih a lan theih chuan a chunga tulte tel lovin a issue leh theih.
4. In kang emaw lei min vanga inchhilhah an LSC a tel ngei tih finfiahna tha tawk a awm chuan a chunga mite ngai lo hian a issue leh theih bawk.
5. Tih tur tul tih fel hnuah LSC Duplicate in leau of Original issue leh theih a ni a. Rs. 50/- chawia lakchhuah theih a ni ang.
HUAN RAM:
1. Huan neisa leh neih tum Pass la nei lote'n Pass (P.Patta) an neih a ngai. V/C pek te, Permit neite chuan chhiah an chawi loh avangin Court-ah leh Sawrkar-ah nei lo ang tho an ni.
2. P.Patta dilna form a awm hrang lova House site dilna form-a 'Huan' tih hi tick mai tur a ni.
3. Dilna form fill-up tawh chu a ram awmna bialtu ASO Office-ah thehluh tur a ni.
4. Surveyor tehna report chu harsatna dang a awm loh chuan Govt. approval lak hnuah P.Patta issue mai thin a ni.
5. Town area puan hnan P.Patta te chu House site-a convert dawnin ram 1/3 (one-third) area surrender tur a ni.
6. Town area pawh nise, inhabited area atanga ala hlat a, vantlang tana hnawk a nih loh chuan renew theih a ni.
