1. Inhmun/Lo/Ram hi engtia dil tur nge?

Ans: Inhmun –Lo- Ram sorkar-ah i dil duh a nih chuan Form pakhat Rs. 20/- zelin Directorate Office of Land Revenue & Settlement Department, Khatla, Aizawlah emaw Assistant Settlement Officer’s Office Aizawl/Lunglei/ Champhai/Kolasib/Mamit/Serchhip ah te leiin a tul angina dahkhatin thehlut ang che.


2. Sorkar hriatpui lova Inhmun-Lo-Ram neih hi a pawi em?

Ans: Sorkar hriatpui lova Inhmun-Lo-Ram neih hi a him lo chauh ni lovin Sorkar phal loh a nih avangin harsatna i tawh loh nan Pass/ P.Patta/ LSC dil vat ang che.


3. Huan-Lo-Ram i lei dawnin eng nge tih hmasak tur?

Ans: Huan-Lo-Ram i lei dawnin Revenue Office hnai berah i document lei tur enfiahtir hmasa thin ang che.


4. VC/LC te hian pass an pe ve thei em?

Ans: VC/LC te hian Huan-Lo-Ram pass pek theihna an neih loh avangin VC Pass te chu lei mai mai suh ang che.


5. Enkawl kher lohin ram a neih theih tho em?

Ans: Ram hmang tangkai si lova Inhmun-Lo-Ram hauh mai hi ram hmelma a ni a, i enkawl theih tawk chauh Hmun-Lo-Ram nei ang che.


6. Mahni Pass/ P.Patta/ LSC area bula ram awl hi a hauh theih em?

Ans: Mahni Pass/ P.Patta/ LSC area aia zau hauh hi Dan phal loh a nih avangin I ram pass etc. tihzauh i mamawh chuan Revenue Office-ah rawn thlen ang che.


7. Ram buai neih loh nan engtia tih tur nge?

Ans: Huan-Inhmun-Lo ramah buaina i tawh loh nan i hmun dik takah i pass etc. number leh i hming tar thin ang che.


8. Kan thenawmte nen ram ri lung phun kan nei lo va, engtia tih tur nge?

Ans: Thenawmte nena ramri lung phun loh a nih chuan a rang thei ang berin Revenue Office-ah rawn hriattir ang che. Ramri lung phun sawn hi Pathian anchhe dawngtu nihna a nih avangin fimkhur ang che.


9. Ram hralha sumdawn hi phal a ni em?

Ans: Mizoram leilung hi zimte a nih avangin Ram leilung hralha sumdawn nana hman ri ram hmelma nihna a ni.


10. Mahni ram chin duh dan dana hung hi a pawi em?

Ans: Thenawmte Inhmun-Huan-Ram panna awm lo lekin duham bik suh ang che; Ram leilung hi i siam a ni lo va, it a kumhlun tur a ni bawk lo a ni tih hrereng ang che.


11. Tuihawk luanna tur engtia siam tur nge?

Ans: Thenawmte Inhmun-Huan-Lo-Ramah tuihawk luantir ching suh ang che.


12. Kan ram chhunga thenawmte tui lakna kaltlang hi engtia tih chi nge?

Ans: In thenawmte khan nangmah ang bawkin Tui leh Electric eng etc. te an mamawh ve a ni tih hrerengin i Inhmun-Lo-Ram kaltlanga an mamawh tanpui chu Sorkar leh Pathian duhdan a ni tih hrereng ang che.


13. Leiman/chhiah pek kher hi eng nge a tulna?

Ans: Inhmun-Lo-Ram leh Building chhiah/Leiman pek hi i bat leh mawhphurhna a ni tih hrerengin a hun takah leiman pe thin ang che.