Kum 2024 atana inhlantharna hun Minister hovin hman a ni.
Ni 25/1/2024 khan Land Revenue & Settlement Department chuan Minister Pu B. Lalchhanzova hovin thawktute inhlantharna hun an hmanga, he hun hi Joint Director of Survey Pu C. Lalringliana’n a kaihruai.
He hunah hian Minister chuan Land Revenue & Settlement Department-in hna hautak leh uluk taka hmachhawn tur tamtak a neih thu a sawi a. Delhi-a sokar laipui a tlawh chungchangah Delhi lama hotute an inhawnzia te sawiin Mizoram pawhin tan lak a ngaih thu a sawi a ni. Land Revenue & Settlement Department chu mipui mimir, sorkar leh pawl anga mamawh nitin-a lo thawktute an nih anga an mawhphurhna leh pawimawhna te hre reng turin a chah.
Minister chuan a department-a thawkte chu department hmasawnna kawng leh mipui rawngbawlna tha zawka an thawh theih nan ngaihtuahna seng turin a chah a, hemi kawngah hian a puihna an mamawh apiangin a in hawn reng thu a sawi bawk.
Surveyor indaih lohna phuhru turin survey hna outsource-na tur pawh peihfel tawh niin EOI tih chhuah mai theih a ni tawh tih Minister hian a sawi a. Property Registration leh thil tul danga hman turin e-Stamping Rules pawh duan mek a nih thu sawiin hei hian mipui tan awlsamna a thlen bakah stamp duty atanga sorkar sum lak luh pawh a pui hle dawn a ni a ti.
Pu K. Vanlalthiana, Director, Land Revenue & Settlement-in fuihna thu a sawi hnuin Pu Lalhmansanga, Joint Director in lawmthu sawina hmangin hun a ti tawp a ni.
 |  |
 |  |
 |  |
 |  |
 |
